Տուրիզմը Հայաստանում

Այսօրվա զբոսաշրջիկը պահանջկոտ է ու կոնկրետ իր ակնկալիքներում: կարծում եմ, որ նա ինտերնետով մի լավ ուսումնասիրում է այն երկիրը, ուր պատրաստվում է ճամփորդել:

Տուրիզմը Երկրի զարգացման ամենակարևոր գործոններից է: Որպեսզի երկիր այցելող զբոսաշրջիկների քանակը շատ լինի, պետք է երկիրը բարվոք վիճակում լինի: Պետք է մաքուր լինի քաղաքը: Մաքուր քաղաք ասելով հասկանում եմ, որ և՛ օդն է մաքուր, և՛ աղբակույտեր չկան տարածքում: Ապրելու նորմերին համապատասխանող հարմարավետ պայմաններ պետք է լինեն:
Երբ զբոսաշրջիկը այցելում է որևէ երկիր, նրան գրավում է բնիկների բարիացակամ վերաբերմունքը, հյուրասիրությունը, հյուրընկալությունն ու սպասարկման որակը:

Հայերը կարծում են, որ Հայաստանը փնթի Երկիր է: Արդյո՞ք այդպես են կարծում Հայաստանի զբոսաշրջիկները: Հայաստանը աղտոտված է, բայց այն համեմատած շատ ուրիշ երկրների հետ ճգնաժամային վիճակում չի գտնվում:

Հայաստանը լեռնային երկիր է, և կարծում եմ, որ դա նույնպես իր ազդեցությունն է թողնում օդի մաքրության վրա:

Դիցուկ, մեր երկիր է այցելել մի զբոսաշրջիկ, ում ես պետք է ցույց տամ մեր երկիրը և փորձել այնպես անել, որ նրան դուր գա մեր երկիրը, և որ նրա մոտ կրկին ցանկություն առաջանա այցելել մեր երկիր:

Նախ ես կցանկանայի իմանալ, թե ինչ նախասիրություններ ունի մեր զբոսաշրջիկը, և ըստ դրա կփորձեի լցնել նրա առօրյան իրեն հետաքրքրող զբաղմունքով:

Եթե նա Հայաստան գար ամռանը, միգուցե ես նրան ցույց տայի Երևանի սիրտը՝ հրապարակը, ուր երեկոյան պարում են շատրվանները:

Եթե նա Հայաստան գար աշնանը, միգուցե ես նրան ցույց տայի մեր գույնզգույն Դիլիջանը, այդ թարմ բնության հոտը:

Իսկ եթե նա Հայաստան գար ձմռանը, միգուցե ես նրան ցույց տայի Տաթևի վանքը, Տաթևի ճոպանուղին:

Ահա, Հայաստան էր այցելել տասնվեցամյա Ալեքսը: Նա ժամանել  էր Իսպանիայից:

Նրան ավելի շատ հետաքրքրում էր իր տարեկիցների առօրյան. Թե ինչպիսի՞ դպրոցներում են սովորում նրանք, որտե՞ղ են ժամանակ անցկացնում և արդո՞ք ազատ են նրանք (ազատություն ասելով այս դեպքում հասկանում եմ մարդու ինքնակամ որոշումներ ընդունելը՝ արդյո՞ք նրանք որոշում կայացնելուց առաջ խորհրդակցում են իրենց ծնողների հետ, թե ոչ):

Մի փոքր քաղաքում զբոսնելուց հետո նա հասկացավ «վարդագույն Երևան» բառերի նշանակությունը:

Ալեքսը շատ հավանեց մեր երկիրը: Մենք եղանք Սևանում, Լաստիվերում, Տաթևի վանքում, Խոր վիրապում, Ծաղկաձորում, Դիլիջանում, Ջերմուկում, Շաքիի ջրվեժում և դենտրո պարկում: Ամեն ինչ անում էի, որ նա իրեն լավ զգա և վառ տպավորություններով վերադառնա իր հայրենիք: